有危便有機 - 陽痿獅子 - 匯豐

琴日愚人節，匯豐送大禮比股東們，講真佢嘅做法真係令人髮指，股價除淨左之餘亦都瀉左一成去到40蚊。

當個個都止蝕離場，我選擇左逆風而行。

全走
稻香 573 - 計埋利息 total loss -17,418.39
英皇 296 - 計埋利息 total loss -7,964.97
大快活 52 - 計埋利息 total loss -20,308.64
總數實現損失為 -45,692

買入匯豐 00005 4000@40

唔排除賣出其他股份all in 獅子
陽痿獅子我信有日變番獅子王

點解咁睇好？
無他嘅，講真個本細，分散投資完全無意思，然後買左好多自己真係睇報表嘅股，隻隻都蝕緊（唔計大快活稻香啦，佢地疫情底下點都收皮，只係我有得走時唔走，條船愈坐愈沉）

川河、慶鈴、廖創興、英皇娛樂酒店，四隻我都有分析過計過，明明睇落好穩陣，無乜負債，全淨現金，派息良好，都可以愈跌愈有。價值投資喎，好聽d未價值投資，或者蝕到仆街時話比人知我價值投資個心舒服d掛。

我而家都開始轉型，邊隻大型股殘就入邊隻，而家匯豐就等如當年沙士樓市，我信有日會返70蚊以上，當然亦都有機會變利豐.......祝我好運。


（本人不是證券持牌人，投資涉及風險，以上之言論並不構成任何投資建議。）

稻香業績後

業績只係2019年度，未計2020年開始爆肺炎，減左派息，如果2020年預期有0.06都仲有6厘收，不過實在風險太高而且換馬值博率更高。

所以最緊由60000股沽剩18000。留有更多現金再等機會。

阿寶：人類總要重複同樣的錯誤

「十個玩股九個輸」　呢句說話唔知大家點睇？

我15年開始玩股，個本不停增加由幾萬升到而家40萬左右，當中大概有7萬蚊賺落袋。

但係去到今日為止，成個組合已經蝕緊12萬/30%，賣曬金盤洗手都仲要倒蝕5萬蚊，可以話我從來都無諗過會倒蝕番咁大獲，少年真係太年輕。

我人生經驗尚淺，呢次真係交足學費，好多走場機會都錯過曬，如今只好睇時機換下馬，再同佢地鬥長命。

選擇錯誤的例子

說到今年最失敗的投資，莫過於是以高位買入了大快活（52），以現價計算連股息還要虧損達20%，實在誇張。

回想當初的確有欠缺充分分析，只知道是一隻優質股，穩定現金流，派息，少負債。但是往往忽略了市場給予的期望，結果業績一出，與大家樂相比之下大家紛紛購入大家樂而放棄大快活。

為何不選擇大家樂？我當時是以股息，市盈率，規模比較，直覺覺得大家樂不穩定性較高。

選擇錯誤令自己坐大艇。

究竟何謂價值

每個人心目中對每一樣事物，都有著不同價值，例如公仔、Figure，對我黎講毫無價值，但係對於某些人黎講，絕對有收藏價值。對於股市黎講價值亦的確神奇，好多傳奇股票暴升幾倍，好多時都係取決於大家所認為該股應有嘅價值。

我今日想講下我重倉持有嘅飲食行業：

目前持有嘅大快活（52）及稻香（573）市盈率分別為17倍及12倍左右，後者PB更是低於1，兩者都是派息穩定股票，稻香目前一直是我認為價值被低估的股票。

然而反觀可以看看海底撈（6862），市盈率高達92倍，PB更為19倍，比騰訊更為誇張。就算海底撈增長再高速，我都唔認為佢值咁高嘅PE、PB，這就是我不認同嘅價值。

為何市場會給予這個價值？值得深思。